Små menn i dress

Kor naken vil du ha homoen din?

Naken homo? Halvnaken homo? Kvartnaken homo? Vi har Oslo-byråd Sylvi Listhaug å takke for denne svært junivennlige diskusjonen. Og vi skal sjølvsagt takke. Det er alltid underhaldande når vaksne folk diskuterer ting som kor naken ein homo kan vere før det slår tilbake på homoen sjølv. Listhaug har altså uttrykt bekymring for den årlige paraden under Skeive Dager, som har fleire innslag av halvnakne homofile folk og dansing. Listhaug sjølv har naturligvis ingen problem med dette. Sjølv er ho såpass vidsynt at ho har snakka med Erling Lae fleire gonger. Listhaug er sjølvsagt berre bekymra for alle dei andre, for vanlige folk, grasrota, som får sjå bilde av halvnakne dansarar i Oslo-gatene og tenker sitt. Naken-homo-i-gatene-problematikken har blitt diskutert ofte denne veka, gjerne med Erling Lae, sidan han er både byrådsleiar, homofil og deltakar i paraden. Påkledd og ikkje-dansande deltakar, vel å merke. Og i eit av dei mange radioinnslaga eg har høyrt om emnet, blei det sagt at dette ikkje hadde vore noko problem viss alle i paraden berre oppførte seg som Erling Lae. Nei, det hadde nok ikkje vore noko problem. Men det hadde kanskje ikkje vore rare feststemninga heller, om nokre hundre små menn i dress spaserte rolig gjennom Oslos gater ein junidag og snakka lågt om toleranse. Og det er jo det som er poenget. Sjølvsagt er det nokre i denne paraden som oppfører seg på ein måte som ligg tett opptil fordommar og klisjear om homofile. Og det er ein grunn til det. Klisjear kan vere morsomme. Og når ein skal vise seg fram, så kan det vere greitt å vise fram noko som er morsomt. Klisjear kan også brukast til å provosere. Og utfordre. Og overdrive. Og styrke sjølvkjensla. Eller til å tøyse. Klisjear kan i det heile tatt brukast til litt av kvart, fordi dei er lette å kjenne igjen. Det er derfor så mange som skal vise seg fram, faktisk bruker klisjeane om seg sjølve. Med større eller mindre grad av humor. Eg vil for eksempel tru at dei stakkarane som no driv og planlegg pauseinnslaget til neste års internasjonale Melodi Grand Prix-finale, og skal vise fram noko norsk utan å vere for påtrengande, vil velje å på ein eller annan måte forhalde seg til nokre klisjear om Norge. Rett og slett fordi at det å vise fram noko som er typisk for Norge men som ikkje er ein nasjonal klisjé, for eksempel ganske høgt utdanna offentlig tilsette, ville vore ekstremt kjedelig, sjølv til pauseinnslag i Melodi Grand Prix å vere. Også dei politiske partia som har hatt sine sesongavslutningar i det siste, har lagt seg tett opp til klisjeane om seg sjølve. Arbeidarpartiet går inn for å sjå ut som eit litt kjedelig men skikkelig parti som ikkje tek av i større grad enn at dei kanskje kastar slipset ved tjuefem plussgrader. Lars Sponheim oppfører seg som om det er den mest sjølvsagte ting i verden at det er han som bestemmer kven som skal styre landet. Og FrP drar på camping. Eg kunne sjølvsagt sagt at det ville vore fint om Ap var litt friskare. Eller om Lars Sponheim kunne dempe sjølvskrytet litt. Og at det kanskje ikkje er nødvendig av FrP å ta han heilt ut i camping. Det er ikkje det at det gjer meg noko. Eg har ingen problem med det sjølv. Eg er tolerant. Eg har møtt folk som stemmer både Venstre, Ap og FrP fleire gonger, og eg veit at dei er nesten heilt som vanlige folk. Men eg er bekymra for korleis andre folk reagerer. Vanlige folk. Grasrota. Dei som ikkje er så smarte som meg. Når dei får sjå bilde av ein nøktern Stoltenberg eller ein kjempefornøgd Sponheim eller FrP på camping, så trur eg ikkje akkurat det bidreg til større forståing for desse partia. Eg kunne sagt det. Men då ville eg jo ønska meg ein litt kjedeligare valkamp. Og eg ville sannsynligvis vore eit steg nærmare den skikkelig sære minoriteten som meir enn gjerne møter opp for å sjå nokre hundre små menn i dress spasere rolig gjennom Oslos gater ein junidag.

Publisert: 26.06.2009

Kommentarar til "Små menn i dress":

Sunnmøring frå Ulstein:
Det er bra at noen sentrale politikere tar et oppgjør med all homoglorifiseringen som er for tiden. Heldivis så er dette bare en trend i tiden akkurat nå. Historien har alltid vist at den homofile livsførselen aldri har ført noe godt med seg.
29. juni 2009 - Kl. 23:25

-ho Marit frå Oslo:
Jeg ser det for meg: en halvnaken Jens danser (den mannen kan jo ikke danse, det har vi sett) sammen med Siv i grilldress oppover Karl Johan. Bak kommer Erna i en festlig bikini og hand i hand med en klissnaken Sponheim. Kristin og Navarsete har valgt å være henholdsvis Ole Brumm og gnom. Høybråten kommer bakerst, han går baklengs som han pleier, denne gangen for å slippe å se på elendigheten. Dette vil jeg ikke gå glipp av!!
27. juni 2009 - Kl. 17:35

Tarald Stein frå Oslo:
Når det blir over 25 grader synes jeg det er en uting å gå i dress.
Likevel tror jeg at parolen om at Honduras må beskytte transpersoner (mot overgrep fra bl.a. politiet) vil være av de mer påkledde i morgen.
Forøvrig kan LLH og Amnestys parole om å avkriminalisere homofili (det er fortsatt straffbart i ca 80 land) være et hett tips. Du kan til og med få ei T-skjorte som suvenir hvis du joiner dem. Lite sex og nakenhet der også.
27. juni 2009 - Kl. 00:16

Anton Engen frå Bergen:
Fantastisk! Du er kongen av Twitter.
Å plassere Frp der de hører hjemme i én setning er bare herlig.

26. juni 2009 - Kl. 22:30

Dag Robin frå Oslo:
Jeg synes sure Sylvi kan ta på seg mørke solbriller på lørdag, så hun ikke ser oss så godt der hun sikkert er blitt tvunget av Erling Grå til å kle seg i bikini mens hun som nestsjef i Oslo selvsagt er forpliktet til å se paraden på nært hold. Ellers har jeg hørt fra sikre kilder at Grasrota lenge har ment at folk som vil kle av seg prinisipielt sett bør dra til Berlin.
26. juni 2009 - Kl. 19:03

Øyvind frå Oppegård:
Personlig har jeg ikke behov for å få aksept for mine spesielle seksuelle fantasier - de lever jeg ut som jeg vil - men jeg har behov for å elske hvem jeg vil. Det er vel det som er fellesnevneren i LLH, er det ikke? Alle mulige fetisjer og seksuelle øvelser kan man vel markere under love parade i berlin, sammen med alle filer? både Heterofiler og andre-filer?
26. juni 2009 - Kl. 18:22

Øyvind frå Oppegård:
Tror ikke paraden skaper aksept for det som er viktig.

Jeg for min del mener LLH burde finne de viktigste fellesnevnerene og gå i parade for dette. Jeg tror ikke fellesnevneren er sex og kropp.
26. juni 2009 - Kl. 18:21

anders frå www.andershoff.net:
Jeg er også litt spent på denne paraden med noen hundre små menn i dress. Det må jo bli riktig så festlig. :D
26. juni 2009 - Kl. 17:41

Margrethe frå Fredrikstad:
Folk må være så nakne de vil, homo eller hetro, men da må de tåle at folk reagerer. Og folk må få gå i parader så mye de vil, men ikke bli sure hvis ikke alle synes det er greit. Vi er forskjellige! La oss favne om det, uansett legning.
26. juni 2009 - Kl. 17:35

Anne-Grethe:
Bedre enn dette kan det neppe sies!!
26. juni 2009 - Kl. 17:15

Vibeke frå Kalvåg:
Nokre hundre små menn i dress? Eg er absolutt interessert! Homoparade har eg sett før, men dette blir spanande!
26. juni 2009 - Kl. 13:49

Lille Engel frå Oslo:
Jeg tror jeg hadde vært mer tolerant hvis min fiktive sønn hadde kommet hjem med en mann enn med Sylvi Listhaug.. Både naken, halvnaken og kvart naken....
26. juni 2009 - Kl. 13:45

Sigve frå Oslo:
Jeg, for min del, har store problemer med å få toleranse for FrPere når de har folk med utspill á la Listhaug. Og det vil jeg bare ha sagt - det skaper problemer for meg selv stadig vekk! Kvalifiserer dette til catch 22?
26. juni 2009 - Kl. 13:37

Klikk her for å kommentere denne saka.