Ein heilt vanlig dag på fest

Han har fått mest kjeft. Men også litt ros. Mellom anna frå Vigrid-gründeren Tore Tvedt, som meiner Tybring-Gjedde har stoff i seg til å bli ein finfin rasist ein dag, men at han godt kan sleppe seg litt meir laus.

Det Tybring-Gjedde har fått altfor lite merksemd for, er sin analyse av norsk fest-kultur.

Då han skulle svare kritikarane sine, slo han først fast at han umulig kan vere rasist sidan han både kjenner utlendingar og har vore i utlandet, før han i VG på fredag sa at han representerer fleirtalet og «sier det du hører på fest og i selskaper».

Det er med andre ord grunn til å lure på kva slags festar Tybring-Gjedde går på.

Det veit vi jo faktisk litt om, sidan han også har uttalt seg om ei anna sak denne veka, til og med ei festrelatert sak: Jonas Gahr Støres femtiårslag. Gjedda er sterkt kritisk til at kronprinsparet er invitert til Støres fest. Han meiner dette er eit eksempel på at dei rike og mektige rottar seg saman, og antydar at dette samrøret mellom politikk og kongehus må stoppe før det tek heilt av, elles risikerer vi å hamne i ein situasjon der statsrådar og kongelige driv og heng saman på slottet kvar fredag.

Vi kan altså slå fast at dette er den typen festar Tybring-Gjedde ikkje går på.

Han går på noko han tydeligvis trur er heilt vanlige festar, der samtalen går omtrent slik:

-Hei! Stig på.

-Takk takk.

-Står til?

-Å, du veit, det går no mykje i det same. Jobbing. Ungar som skal køyrast på trening. Fleirkultur som riv landet vårt i filler.

-Ja, det er vel så det. Har du forresten tenkt noko på å svike landet ditt og akseptere feirkultur?

-Nei, eg trur ikkje det er noko for meg. Du då?

-Eg trur ikkje det blir med meg heller. Eg liker ikkje å dolke min eigen kultur i ryggen.

-Nei, det er noko med det. Elles då? Alt vel?

-Heilt greitt. Har vel ikkje vore det beste vêret i sommar, men...

-Eg høyrde det. Eg har vore bortreist i nokre månader.

-Javel. Kvar då?

-I utlandet.

-I utlandet? Så du har greie på det du snakkar om, du altså?

-Det er liksom ikkje måte på.

-Sett deg. Tapas?

-Det skulle tatt seg ut.

Slik har Tybring-Gjedde det. På fest. Som skal vere hyggelig. Og han trur tydeligvis det er slik dei fleste nordmenn har det på fest. Og likevel meiner han at det ikkje er noko gale med norsk kultur?

Publisert: 28.08.2010 

		Kommentarar til "Ein heilt vanlig dag på fest": John frå Ringerike: Kjære Thomas. Ja CTG nevner muslimer en gang, men er generelt forsiktig og snakker mest i generelle vendinger om alle mulige kulturer og flerkultur. Ingen, muslimer eller andre, som harselerer (eller verre) med f eks Jesus, må leve med drapstrusler og beskyttelse over tid pga dette. Svært mange islamkritikere gjør det: Kurt Westergaard, Ayaan Hirsi Ali, Gert Wilders for å nevne noen profilerte og modige mennesker. Dette kan ikke forsvares. Konfrontasjon er nødvendig. Apeacement er prøvd før. 18. september 2010 - Kl. 01:11 Thomas Berg frå Oslo: Kjære John. Også mørkhudede får drapstrusler fra lyshudede. At man er vokst opp i Norge betyr altså ikke nødvendigvis at man har lært seg alt om ytringsfrihet, religionsfrihet, demokrati og en sekulær rettsstat. At CTG egentlig snakker om islam gjør han klart idet han skriver om enklaver av «muslimsk» enfold. Men en ting forstår jeg ikke: Du skriver at «politibeskyttelse resten av livet» er en «uunngåelig» konsekvens av å kritisere islam. Hva med alle de som har kritisert og ikke har det? 14. september 2010 - Kl. 17:41 j frå b: @john skjerp deg. Ctg suger din høyrevridde kapitalist 3. september 2010 - Kl. 11:35 John frå Ringerike: CTG snakker EGENTLIG om islam, men tør ikke si det rett ut. Forståelig, da han ikke ønsker å måtte leve med politibeskyttelse resten av livet. En bedrøvelig men dessverre uunngåelig konsekvens av å yttre noe negativt om islam, men som paradoksalt nok nettopp viser berettigelsen og nødvendigheten av å gjøre det. Det er prisverdig å forsvare grunnleggende vestlige verdier som ytringsfrihet, religionsfrihet, demokrati og en sekulær rettsstat - og det trengs. CTG fortjener honnør. 2. september 2010 - Kl. 20:50 Ola frå Bergen: Kjære Tore W. Tvedt Hvis du absolutt skal forsvare norsk kultur bør du kanskje lære deg det norske skriftspråket ordentlig? anderledes skrives vel strengt tatt annerledes... 29. august 2010 - Kl. 15:00 Askill frå Aremark: Får Frp kome til makta, så vil det jo ikkje vere noko kultur att å ta vare på. Bortsett frå festkultur, då, og den skal vi jo vere svært stolte av. 28. august 2010 - Kl. 19:32 Jon frå Bergen: Strålende kommentar Are. Ser at nett"krigeren" Tore W. Tvedt muligens har lagt igjen en kommentar. Til Tore vil jeg si følgende: Mens vi andre lever godt i et flerkulturellt samfunn, så slår det meg at de som sliter i et flerkulturelt samfunn faktisk er rasistene. Det er de som sitter å hever trygd, det er de som blir kastet ut av husene sine i Hokksund, og det er de som ender opp i Halden med kun internett å støtte seg til som talerør. Godt jobbet Tore, hva fikk du egentlig til? 28. august 2010 - Kl. 16:48 Tore W. Tvedt frå Halden: Hehe. Artig. Skulle ønske politikerne kunne lære seg litt om humor. Men det gjenstår et poeng og det er kanskje det eneste TG ville ha fram med kronikken sin: Varslingen av rasekrigen. Jeg kan i alle fall ikke tolke det anderledes når han uttaler at vi må stå opp mot at landet vårt rives i filler. Så slip knivene og lad revolverne for nå skal norsk kultur forsvares. 28. august 2010 - Kl. 13:41 Per frå Bærum: Det er påfallende at alle politiske motstandere velger å ta mannen og ikke ballen i denne saken. 28. august 2010 - Kl. 13:31 Eli frå Bergen: Ein treng vel ikkje 500 tastetrykk for å meine at dette var heilt konge! 28. august 2010 - Kl. 11:16 Klikk her for å kommentere denne saka.